Një konflikt për përdorimin e një Jet-Ski ka përfunduar në sherr fizike pasditen e sotme në Ksamil, pranë plazhit “Bora Bora”.
Në përplasje u përfshinë Sajmir Dajka, Shpëtim Kreçi dhe Julian Hoxha nga Elbasani. Sherri nisi pas një mosmarrëveshjeje për orarin e përdorimit të mjetit dhe degjeneroi në dhunë.
Të tre personat dhe disa dëshmitarë u shoqëruan në polici, ku po punohet për zbardhjen e ngjarjes.
Sipas policisë, vetëm pak ditë më parë, Sajmir Dajka ishte gjobitur me 100 mijë lekë të reja për shkelje të rregullave të sigurisë për mjetet lundruese.
