Situata me zjarret në Gramsh vijon të mbetet problematike.
Sipas autoriteteve, rezulton se në fshatrat Kullollas, Kodovjat dhe Ermenj, njësia administrative Skënderbegas, janë riaktivizuar vatra zjarri.
Në Kullollas, në vendin e quajtur Mulliri, po ndërhyjnë punonjës bashkiakë dhe vullnetarë, ndërsa në fshatin Bletëz po operon 1 mjet zjarrfikës i MZSH Gramsh me 3 efektivë.
E njëjtë situata paraqitet situata edhe në njësinë administrative Kukur, në Teqen e Dushkut, ku herë pas here aktivizohen vatra të vogla.
Edhe Elbasani ka shfaqur problematika me vatrat e zjarrit, të cilat vijojnë të jenë aktive në njësinë administrative Zavalinë, në Malin e Shirokës.
