Është luajtur mesditën e sotme ndeshja mes Oleksandriya dhe Metalist 1925, e vlefshme për javën e tretë të kampionatit në Ukrainë, ku në fushë kanë zbritur katër lojtarë që më parë janë përballur me njëri-tjetrin në Kategorinë Superiore.
Tek Oleksandriya luajti si titullar ish-sulmuesit i Partizanit, Tedi Cara, i cili u zëvendësua në minutën e ’71 të takimit. Ndërsa, si titullarë tek Metalist 1925 luajtën sulmuesit Ermir Rashica dhe Itodo Mandela, që më parë kanë qenë pjesë e Skënderbeut dhe Dinamos.
Ndeshja e sotme ishte debutim si titullar për Itodo Mandela në Ukrainë, pas largimit nga Dinamo, teksa u zëvendësua në minutën e 61 nga ish-sulmuesi i Partizanit, Christian Mba.
Ndeshja përfundoi 1-4 në favor të Metalist 1925, e cila mori fitoren e parë, pas ngjitjes në elitën e futbollit ukrainas. Golin e dytë e shënoi Ermir Rashica, në minutën e ’76, i cili vazhdon paraqitjet pozitive në Ukrainë.
