Tim Civeja e ka nisur këtë sezon me fanellën e Saarbrucken fc si një protagonist absolut. Jo vetëm në krijimin e aksioneve sulmuese për skuadrën, por edhe duke tundur vetë rrjetën për klubin e kategorisë së tretë gjermane.
Pas golave në kampionat, ai ka shënuar sot një të tillë edhe në Kupën e Gjermanisë, një kompeticion ku Sarbryken bëri historinë dy vite më parë duke eliminuar edhe Bajernin. Këtë herë, Sarbryken përballej me Magdeburg, por nuk kishte mrekulli në këtë sfidë.
Ekipi mik shënoi tre herë dhe për t’i dhënë pak shpresë ekipit të tij mendoi pikërisht Civeja. Pas një topi të humbur para zonës nga kundërshtarët, ai e çoi në rrjetë me një gjuajtje të fortë duke shkurtuar përkohësisht diferencën.
