Një zjarr ka përfshirë ish-fushën e grumbullimit të mbetjeve urbane në Lushnje. Zjarri i ka dalë nga kontrolli një fermeri i cili po digjte mbeturina në tokën bujqësore dhe është përhapur me shpejtësi nga era e fortë.
Përmasat e zjarrit u rritën frikshëm duke mbuluar të gjithë ish-fushën e mbetjeve urbane të qytetit e cila është ngjitur me banesat në lagjen 18 tetori.
Tymi dhe smogu mbuluan gjithë zonën përreth. Momentalisht zjarrfikësit e kanë vënë nën kontroll zonën e përfshirë nga flakët.
Uniformat blu kanë identifikuar autorin e zjarrvënies dhe janë në kërkim të tij.
