Takimi i parë mes Olimpija Ljubljana dhe Egnatias nuk prodhoi gol, duke lënë gjithçka të hapur për duelin e kthimit në Rrogozhinë, e cila do të mbahet nesër.
Një nga mungesat thelbësore në ekipin slloven në sfidën e parë rezultojë mesfushori Jurgen Çelhaka.
Por me shumë gjasa 24-vjeçari do të jetë gati për përballjen e kthimit. Në zonën e prononcimeve para ndeshjes, Çelhaka i ka kërkuar ekipit të tij të jenë me fikas para porte.
Vlen të përmendim se futbollisti në fjalë ka dalë nga akademia e Tiranës, më pas kaloi te Legia Warszawa dhe tani te Olimpija Ljubljana:
“Është gjithmonë një ndjesi e mirë kur kthehesh në atdheun tënd, ku ke filluar të luash futboll.
Kam luajtur në Tiranë për 15 vjet dhe kam kujtime vërtet të mira të asaj periudhe. Krahasimin midis kampionatit shqiptar dhe sllovene? Liga sllovene është me cilësi më të lartë se ajo shqiptare.Futbolli slloven është sigurisht me cilësi më të lartë, por mendoj se edhe ai shqiptar ka ecur disi.
Në ndeshjen e parë, ne ishim ekipi më i mirë, e kontrolluam ndeshjen, kishim më shumë mbajtje të topit, patëm më shumë raste dhe humbëm një penallti, e cila është gjithashtu një pjesë e futbollit. Për të përparuar, duhet të përmirësojmë lojën tonë në të zonën e sulmit dhe të jemi më efikasë para portës.
Besoj se do të kemi sukses dhe do të kualifikohemi.
Atmosfera? Pavarësisht se nuk kam luajtur ende në “Egnatia Arena”, kam dëgjuar se ka një atmosferë të shkëlqyer në ndeshjet e mëdha. Vendasit e duan klubin e tyre dhe e mbështesin nga tribunat. Ne jemi një ekip me përvojë europiane, kështu që jam i sigurt se kjo nuk do të na bezdisë, ndaj do të luajmë me maksimumin e aftësive tona”.
