Zjarri në Delvinë ka dalë jashtë kontrollit të autoriteve, ku ka marrë përmasa masive dhe flakët u janë afruar edhe më shumë puseve të naftës, duke rrezikuar kështu një katastrofë.
Nga informacionet e fundit mësohet se zjarri po shtrihet deri në lagjen “Llakë” të qytetit, teksa aktualisht po punojnë 4 zjarrfikëse të Delvinës për shuarjen e flakëve, por duket e pamundur. Mësohet se në vendin e ngjarjes pritet të mbërrijnë edhe zjarrfikëse nga Himara dhe Konispoli.
Gjithsesi, është kërkuar ndërhyrje nga ajri për të shmangur një katastrofë me pasoja të paimagjinueshme. Në vendin e ngjarjes janë në gatishmëri edhe tre ambulanca.
