Një qytetare ka denoncuar një rast mashtrimi në Latitude, Tirana, ku një produkti që kishte blerë kishte çmim tjetër në paketim dhe një çmim më të lartë në faturë.
Ajo ka treguar për JOQ ALBANIA se një pako me karamele që bleu për fëmijët ishte me dy çmime të ndryshme. Në paketim, ky produkt ishte me ulje nga 390 lekë në 290 lekë, por kjo ulje nuk pasqyrohej në faturë.
Kur i është drejtuar kasës për të paguar, qytetarja ka vënë re se produkti ishte pa ofertë dhe me çmim më të lartë. Sapo ka vënë re këtë ndryshim në çmim, ajo iu drejtua punonjësve për sqarim dhe përgjigjja që mori ishte thjesht: “Ky është çmimi”, pa ndonjë shpjegim apo rimbursim.
Ky nuk është rasti i parë kur konsumatorët denoncojnë çmime të ndryshme mes rafteve e paketimeve dhe faturave, një praktikë që konsiderohet mashtruese dhe është e ndaluar me ligj. Autoriteti i Mbrojtjes së Konsumatorit duhet të hetojë këtë rast, por edhe të tjera të ngjashme që sa vijnë e shtohen.
Denoncimi i qytetares:
“Pershendetje ja dhe te latitude cmim tjeter ne fatur dhe cmim tjeter ne produkt ! Ne cdo vend te shqiperise veq vjedhje ! Ju jeni te vetmit tani kemi filluar duke bere presion do ju hedhim te joq. U ankova te punonjesit me thane qe ky esht cmimi”/ JOQ Albania
