Klubi i Tiranës ka bërë zyrtar afrimin e dy sulmuesve. Fillimisht erdhi njoftimi për spanjollin Viktor Fernandez.
27-vjeçari i lindur në Barcelonë, ka kaluar eksperienca në klube spanjolle, rumune, greke e qipriote në karrierën e tij para se te mbetej lojtar i lirë e të pranonte ofertën që i bënë bardheblutë për t’iu bashkuar projektit nën urdhrat e Vangjel Miles.
Ndërkohë sulmuesi i dytë i afruar është Oluwabori Falaye. Futbollisti 26-vjeçar ishte pa skuadër që nga shkurti i këtij viti, ndërsa ka qenë prej javësh në provë te bardheblutë, duke marrë më në fund dritën e gjelbër nga stafi teknik për t;iu bashkuar ekipit për këtë edicion.
Tirana po përgatitet intensivisht për sezonin e ri dhe duket se ka synime të qarta për të qenë konkurruese në Superiore ndryshe nga sezoni i kaluar ku luftuan për mbijetesë.
Veç afrimeve të ditës së sotme, Tirana gjithashtu ka trasnferuar disa futbollistë gjatë verës si portierin Angelos Tafas, mesfushorët Tsotne Patsatsia dhe Serxho Voglin si dhe sulmuesin Serge Tabekou.
