Vora ka përforcuar repartin ofensiv me një transferim së fundmi nga Trapani.
Bëhet fjalë për Dario Dakën, i cili është bërë lojtari më i ri i Kategorisë Superiore duke mbyllur aventurën në Serie C të Italisë.
Aktualisht, Dario është pjesë e Kombëtares U-21 të Shqipërisë, ku ka arritur të gjejë rrjeten një herë, ndërsa më parë ka qenë pjesë e Shqipërisë U-19.
Lajmin e ka bërë të ditur vetë Vora nëpërmjet një postimi në rrjetet sociale të klubit. Kjo do të jetë aventura e parë e Dakës në Superiore pasi më parë ka qenë pjesë e Lecces.
Njoftimi zyrtar i Vorës:
MIRË SE VJEN DARIO DAKA!
Klubi ynë ka kënaqësinë të prezantojë përforcimin më të ri në skuadër, Dario Daka, një lojtarë premtues me perspektivë të madhe për të ardhmen!
Dario është produkt i akademisë së njohur italiane Leçe, ku ka marrë formimin e parë si futbollist, duke u rritur mes disiplinës, teknikës dhe garës në nivelet më të larta të moshave. Sezonin e fundit ai ishte pjesë e ekipit Fc Trapani, ku ka fituar më shumë përvojë në futbollin e të rriturve dhe ka vazhduar rritjen e tij si lojtar.
Aktualisht, Dario është pjesë e Kombëtares U-21 të Shqipërisë, ku ka arritur të gjejë rrjeten një herë, ndërsa më parë ka qenë pjesë e Shqipërisë U-19, ku ka realizuar 2 gola, duke treguar vazhdimisht potencial dhe vendosmëri.
Me profilin e tij si lojtar që kombinon qetësinë me vizionin Daka do të jetë një element i rëndësishëm në ndërtimin e një skuadre konkurruese dhe ambicioze për sezonin që vjen.
Klubi i Vorës i uron mirëseardhjen Darios dhe shumë sukses me fanellën e skuadrës sonë.
