Problemi kryesor i Tiranës sa i përket pagesave të pashlyera është ajo e Ermal Metës. Për këtë lojtar, bardheblutë duhet të paguajnë rreth 40 milionë lekë të vjetra ndaj një akademie private në Elbasan.
Meta dy sezone më parë erdhi te Tirana, duke qenë një nga talentet më të mirë të moshës së tij. Për këtë çështje nuk është hera e parë që ndodh një bllokim merkatoje.
Edhe sezonin e shkuar pati një problem të tillë që u zgjidh me marrëveshje mes dy klubeve të përfshira, Tiranës dhe akademisë nga Elbasani.
Kujtojmë që Tirana ndodhet në Greqi, duke zhvilluar fazën përgatitore, ndërsa Ermal Meta është bashkuar vetëm dje me skuadrën bardheblu, pas disa ekzaminimeve që bëri në kryeqytetin shqiptar.
