Dinamo ka arritur të triumfojë ditën e sotme përballë Atletic D’Escaldes me shifrat 1-2 me përmbysje. Përballjen e sotme, dinamovitët e zhvilluan në transfertë në Andorra.
Fillimisht ishin vendasit që luajtën më bindshëm duke gjetur edhe avantazhin në fundin e pjesës së parë falë golit të realizuar nga Vieira. Në pjesën e dytë, Dinamo u shfaq në fushën e lojës me një “fytyrë” tjetër.
Baton Zabërgja ishte ai që riktheu ekuilibrat e takimit duke realizuar gol falë një gabimi të portierit kundërshtar. Ndërsa golin vendimtar të takimit e shënoi Qardaku, me të cilin Dinamo ka bërë një hap të madh drejt kualifikimit drejt turit të tretë.
