Walid Jarmouni ishte nga largimet e para të Tiranës në këtë merkato vere, ndërsa sonte sulmuesi ka reaguar mbrëmjen e sotme përmes rrjeteve sociale.
Jarmouni i përshëndet të gjithë me fjalë emocionuese. Sulmuesi i lindur në Francë falënderon klubin, shokët e skuadrës dhe tifozët të cilët i konsideron si shpirtin e skuadrës.
Nga Tirana u largua golashënuesi më i mirë teksa 25-vjeçari shënoi 13 herë sezonin e kaluar.
Reagimi i Jarmounit:
“Të dashur tifozë,
Të dashur anëtarë të klubit,
Pas një sezoni me ngjyrat e Tiranës veshur, ka ardhur koha për mua të kthej faqen dhe të marr një sfidë të re në karrierën time.
Dua të falënderoj sinqerisht klubin, stafin, shokët e mi dhe të gjithë tifozët për këtë vit të mrekullueshëm që kaluam së bashku. Që nga dita e parë u prita me ngrohtësi dhe respekt, gjë që më bëri të ndihesha menjëherë si në shtëpinë time.
Ky sezon në Tiranë ka qenë i pasur si në aspektin personal ashtu edhe në atë profesional. Jam rritur si futbollist, por mbi të gjitha si njeri, dhe do të mbaj gjithmonë kujtime të veçanta nga ky kapitull i karrierës sime.
Faleminderit tifozëve për mbështetjen e vazhdueshme, si në momentet e mira, ashtu edhe në ato më të vështira. Ju jeni shpirti i këtij klubi, dhe pasioni juaj bën diferencën.
Largohem nga Tirana me një zemër plot mirënjohje, dhe i uroj klubit gjithë suksesin që meriton në sezonet që vijnë. Shihemi së shpejti,
Me respekt dhe mirënjohje”.
