Sulmuesi i Malishevës, Fatjon Bunjaku, me shumë gjasa do ta vazhdojë karrierën tek Elbasani. Këto janë raportimet e fundit që vijnë nga Kosova.
“Telegrafi” raporton se Elbasani ka paguar 50 mijë euro për kartonin e lojtarit, ndërsa Malisheva mban 30 për qind të shumës nga shitja e ardhshme.
Sulmuesi 21-vjeçar është aktivizuar 58 ndeshje në Superligën e Kosovës, ku ka arritur të shënojë 5 gola si dhe ka regjistruar 3 asiste.
Në ditët e ardhshme pritet që Bunjaku të udhëtojë me ekipin në Greqi për fazën përgatitore. Sulmuesi ka luajtur më parë edhe te Trepça, Liria dhe Gjilani, ndërsa ka veshur fanellën e Kosovës U21 në katër ndeshje.
