Presidenti ukrainas, Volodymyr Zelensky në vijim të riorganizimit të qeverisë, ka emëruar ish-ministrin e Mbrojtjes Rustem Umerov si sekretar të Këshillit të Sigurisë dhe Mbrojtjes Kombëtare.
Këshilli ka një rol koordinues për çështjet e sigurisë kombëtare dhe mbrojtjes nën presidentin dhe përbëhet nga zyrtarët më të lartë politikë, si dhe zyrtarë të lartë në sektorët e sigurisë dhe mbrojtjes.
Vërehet se pozicioni vakant i lënë nga Umerov në Ministrinë e Mbrojtjes do merret nga ish-kryeministri Denis Shmyhal, si pjesë e riorganizimit të qeverisë që Zelensky ka kryer ditët e fundit.
