Tirana ka afruar 6 lojtarë në këtë merkato vere, siç janë Tsotne Patsatsia, Serge Tabekou, Angelos Tafas, Serxho Vogli, Kleandro Lleshi, dhe Georgios Valerianos.
Nga ana tjetër, në qetësi janë larguar disa lojtarë. Bëhet fjalë për futbollistë titullarë dhe jo vetëm. Ka edhe nga ata që janë në fund kontrate.
Gjithsesi, duke parë situatën me prurjet e reja te bardheblutë, një llogaritje për formacionin e sezonit të ri mund të bëhet.
Në pamje të parë, ekipi është i mirë, por skuadra duhet të përforcohet në reparte të caktuara që të ketë alternativa të mundshme.
Në portë do të jetë një luftë Tafas-Kozi, se cili do të jetë titullari. Abdullahu, me shumë mundësi, nuk është në planet e Tiranës, ndërsa do të afrohen edhe disa gardianë prej të rinjve.
Lleshi mund të luajë si qendërmbrojtës dhe qendërmesfushor në vend të Metës, Solerit apo Rafaelit. Patsatsia dhe Tabekou mund të luajnë në të dy krahët e sulmit, ndërsa rrezikon Haxhiu e lojtarë të tjerë të mbeten jashtë.
Formacioni i mundshëm i Tiranës: 4-3-3: Tafas (Kozi); Vera, Kola, Dembele, Ismajli, Soler, Rafael (Lleshi), Meta (Marku), Patsatsia, Ernest (Haxhiu) Tabekou (Gjumsi)
