Sot e gjithë vëmendja kthehet te çerekfinalet e Kupës së Botës, aty ku dy ekipet që bënë surprizën këtë sezon Al Hilal dhe Fluminense do të përballen me njëra-tjetrën për një biletë më tej.
Kushdo që priste Interin dhe Manchester City në këtë çerekfinale, u zhgënjyen. Zikaltërit u mundën 2-0 nga brazilianët Fluminense, ndërsa “Qytetarët” u mposhtën 4-3 në kohën shtesë nga Al-Hilal i Simone Inzaghi.
Tani arabët ëndërrojnë gjysmëfinalet. Në letër janë ata favoritë në këtë sfidë mirëpo përballë veteranit Thiago Silva do të jetë e vështirë. Fluminense po garon për një gjysmëfinale ëndrrash dhe historike.
Çerekfinalja mes Al Hilal dhe Fluminense do të luhet sot në mbrëmje, duke nisur prej ores 21:00.
Në anën tjetër, tre orë pas mesnate, Chelsea përballet me Palmeiras. Ndërsa të shtunën do të luhen dhe dy takimet e tjera. Bayern që përballet me PSG, ndërsa Real Madrid që sfidon Borussia Dortmund.
