Besmir Shabani do të vazhdojë të jetë trajner i Luftëtarit edhe për sezonin e ri. Lajmin e ka bërë të ditur vetë klubi gjirokastrit në rrjetet sociale.
Trajneri Shabani vjen pas një sezoni mjaft pozitiv teksa e ngjiti skuadrën në Kategorinë e Parë. Këtë sezon Luftëtari do të tentojë ngjitjen në Superligë objektiv i përmendur nga vetë klubi në njoftimin për trajnerin Shabani.
Njoftim zyrtar:
̈ ka kënaqësinë të njoftojë rinovimin e kontratës me trajnerin Besmir Shabani, i cili ishte një nga arkitektët e suksesit për ngjitjen e ekipit në Kategorinë e Parë.
Me një filozofi pune të qartë dhe lidership të fortë, trajneri Shabani ka udhëhequr skuadrën drejt rezultateve pozitive dhe do të vijojë ta drejtojë edhe në sezonin e ardhshëm.
Klubi ka nisur ndërkohë punën për ndërtimin e ekipit, duke rinovuar me disa nga lojtarët më të rëndësishëm të sezonit të kaluar.
Objektivi ynë është i qartë: Ngjitja në Superligë dhe rikthimi në elitën e futbollit shqiptar.
Falënderojmë trajnerin për besimin dhe përkushtimin e tij dhe i urojmë suksese të mëtejshme në drejtimin e ekipit tonë.
