Pas bombardimeve ajrore të SHBA-së ndaj tre objekteve kyçe bërthamore në Iran, presidenti amerikan Donald Trump i ka bërë të qartë kryeministrit izraelit Benjamin Netanyahu se nuk duhet të presë ndërhyrje të tjera ushtarake nga ana e Shteteve të Bashkuara.
Sipas një zyrtari të lartë të Shtëpisë së Bardhë, Trump ka theksuar se “është koha për t’i dhënë fund luftës dhe për t’u rikthyer te diplomacia”.
Ai është shprehur se pas goditjes së objektivave strategjikë, SHBA nuk sheh më kërcënime të menjëhershme nga ana e Iranit dhe se nuk ka interes të përfshihet më tej në një përshkallëzim ushtarak.
Zyrtari shtoi se Netanyahu ka pranuar këtë qëndrim të presidentit amerikan dhe se Uashingtoni nuk ka ndërmend të thellojë përfshirjen e tij ushtarake në konflikt.
