Presidenti i Shteteve të Bashkuara, Donald Trump, ka mbërritur në Amsterdam për samitin e NATO-s, ku pritet të takohet me 32 udhëheqësit e aleancës së sigurisë dhe të marrë pjesë në një darkë të organizuar nga mbreti i Holandës.
Fluturimi i tij është ulur në aeroportin Schiphol të Amsterdamit pak pas orës 19:30 sipas kohës lokale.
Në bordin e Air Force One, Trump mësohet të ketë biseduar me anëtarët e “grupit të shtypit” – gazetarët që e shoqërojnë gjatë udhëtimeve – duke i dhënë meritë Izraelit për tërheqjen nga sulmet e mëtejshme ndaj Iranit.
Ai u ka thënë gjithashtu gazetarëve se pret të zhvillojë një takim me Presidentin ukrainas Volodymyr Zelensky në kuadër të samitit.
Ky është samiti i parë i NATO-s për presidentin Trump që nga viti 2019.
