Presidenti i Samsunspor, Juksel Jilldirim ka folur së fundmi për thashethemet që lidhnin Rey Manaj me një kalim të mundshëm te kjo skuadër.
Ai deklaroi se klubi i Sivasspor ka kërkuar 4 milionë euro për Manajn, por që gjithsesi klubi nuk ka pranuar ta paguajë dhe interesi për sulmuesin shqiptar tashmë është zbehur.
“Rei Manaj nuk është në listën tonë tashmë. Ne e menduam një herë çfarë mund të ndodhte. Menaxheri tha për të që për lirimin e tij donin 4 milionë euro a diçka e tillë që shkruhej në kontratën e tij” – tha Juksel.
Ai u shpreh gjithashtu se Arbnor Muja mund të largohet nga ekipi.
“Muja është i mërzitur, dëshiron të largohet. I kam thënë nëse do të gjëje një klub, do ta lejoj të largohet. Edhe nëse dëshiron të rrijë, unë jam i kënaqur nga ai”, tha Jilldirim.
