Klubi i Ilirisë, që këtë edicion do të militojë në Kategorinë e Parë, është hedhur fuqishëm në merkato, teksa bëhet me dije se ka arritur akordin me mesfushorin nga Bregu i Fildishtit, Abdulaje Diarrasuba, i cili do të bashkohet me skuadrën nga Fushë-Kruja.
22-vjeçari vjen në Shqipëri pasi përfundoi aventurën me Boluspor, që militon në Ligën e Parë turke, teksa në edicionin që sapo u mbyll u aktivizua 31 ndeshje me bardhekuqtë, duke numëruar në total plot 1336 minuta.
Vlera në treg e mesfushorit sipas “Transfermarkt” është 200 mijë euro, teksa Diarrasuba, është padyshim një nga afrimet më të rëndësishme të skuadrës së drejtuar nga Dritan Smajli. Mesfushori nga Bregu i Fildishtë, është pjesë e klubit turk prej vitit 2021.
