Një zjarr ka rënë pak minuta më parë në vend grumbullimin e mbetjeve në fshatin Morave në Berat.
Pas njoftimit të marrë në vendngjarje kanë shkuar shërbimet zjarrëfikëse që kanë shuar flakët.
Sapo kanë mbërritur në vendin e zjarrit, zjarrëfikësit kanë gjetur edhe piromanin Ylli Metani që u kap duke vijuar të vinte sërish zjarr në pika të ndryshme.
Është njoftuar menjëherë policia që ka arrestuar zjarrëvënësin dhe e ka shokëruar atë në ambjentet e Komisariatit të Policisë Berat.
