Manchester City e ka nisur me një fitore pjesëmarrjen në Botërorin e Klubeve, teksa ka mundur me shifrat 2-0 skuadrën e Uidad Kazablankës të Marokut.
Anglezët shihen mes favoritëve për turneun dhe ata dhanë përshtypjet se ishin të fokusuar për të përmbushur pritshmërinë sidomos në pjesën e parë, me protagonist kryesor Phil Phoden.
Anglezi shënoi pak minuta pas startit të ndeshjes golin e avantazhit ndërsa në fund të pjesës së parë dha asistin për golin e dytë të shënuar nga Doku.
Edhe pse marokenët tentuan disa herë të rihapnin ndeshjen, nuk ia dolën të gjenin golin përballë anglezëve të cilët menaxhuan mirë lojën deri në fund, edhe pse mbetën me 10 lojtarë për shkak të kartonit të kuq të Ljuis, duke marrë tre pikët që i duheshin për një start të mirë të aktivitetit.
