Ministri për Evropën dhe Punët e Jashtme, Igli Hasani “ëndërron” se fjala e tij ka peshë dhe thirrjet e tij do dëgjohen. Ai i del në mbështetje Izraelit dhe i bën thirrje që Irani të ndalë aktivitetet bërthamore dhe raketat balistike.
Igli hasani i kërkon Iranit të veprojë në përputhje të plotë me detyrimet e veta, në kuadër të drejtës ndërkombëtare.
Hasani thotë se tensionet në Lindjen e Mesme paraqesin rrezik për destabilitet rajonal dhe me pasoja globale.
“Rikonfirmojmë të drejtën e Izraelit për të ruajtur sigurinë e vet dhe qytetarët nga kërcënimet e mirëfillta dhe në të njëjtën kohë i bëjmë thirrje Iranit të ndalë aktivitetet bërthamore dhe raketat balistike dhe të veprojë në përputhje të plotë me detyrimet e veta, në kuadër të drejtës ndërkombëtare, për mospërhapjen e armëve bërthamore. Përdorimi i tyre do të kishte pasoja katastrofike në rajon e përtej. Në këtë kontekst të brishtë, Shqipëria u bën thirrje të gjitha palëve të përpiqen maksimalisht në mënyrë diplomatike për uljen e tensioneve dhe zgjidhje të qëndrueshme politike”, tha Hasani.
