Kupa e Botës për Klube fillon sot (14 qershor) në Shtetet e Bashkuara të Amerikës (15 qershor me kohën shqiptare), me 32 ekipe që garojnë për titullin në garën e re të zgjeruar ndërkontinentale të klubeve.
32 ekipet janë të ndara në tetë grupe me nga katër skuadra, të cilat do të luajnë me njëra-tjetrën. Dy ekipet e para nga secili grup do të kalojnë më pas në fazat eliminatore.
Ndryshe nga Kupat e Botës, Kupa e Botës për Klube nuk do të ketë ndeshje eliminatore për vendin e tretë (finalja e vogël).
Edicioni i 21-të i këtij turneu fillon në Shtetet e Bashkuara të shtunën (e diel ora 02:00 e mëngjesit me orën shqiptare) me ndeshjen hapëse të turneut midis Inter Miami dhe klubit egjiptian Al Ahly në stadiumin Hard Rock në Florida. Manchester City është kampioni në fuqi pasi fitoi turneun e fundit në dhjetor 2023.
Kompeticioni dhe Grupet
Nga Evropa janë kualifikuar 12 skuadra: Inter, Juventus, Manchester City, Real Madrid, Chelsea, Bayern Munich, Paris Saint Germain, Porto, Benfica, Borussia Dortmund, Atletico Madrid dhe Salzburg.
Grupet e Kupës së Botës për Klube:
Grupi A: FC Porto, Palmeiras, Al Ahly, Inter Miami.
Grupi B: Paris Saint Germain, Atletico Madrid, Botafago, Seattle Sounders
Grupi C: Bayern Munich, Benfica, Boca Juniors, Auckland City
Grupi D: Flamengo, Chelsea, Club Leon, Espereanca de Tunis
Grupi E: River Plate, Inter, Monterrey, Uraua Red Diamonds
Grupi F: Fluminenese, Dortmund, Ulsan HD, Mamelodi
Grupi G: Manchester City, Juventus, Uydad, Al Ain
Grupi H: Real Madrid, Salzburg, Al Hilal, Pachuca
Edicioni i këtij viti në tokën amerikane do të jetë i pari në historinë e turneut që do të përfshijë 32 klube, i njëjti numër ekipesh si në Kupat e Botës së fundit të FIFA-s.
Pse Chelsea dhe Inter Miami marrin pjesë dhe Barcelona e Liverpool janë jashtë Kupës së Botës për Klube?
Rregullat e FIFA-s për Kupën e Botës për Klube përcaktojnë se vetëm dy ekipe nga secili vend mund të luajnë në turne dhe pjesëmarrja e klubeve evropiane u vendos nga performancat e tyre në Champions League gjatë katër sezoneve të fundit.
Man City (2023) dhe Chelsea (2021) fituan Champions League gjatë asaj dritareje katër vjeçare, duke zënë të dy vendet. Klube të tjera të njohura si Napoli, Milan, Barcelona, RB Leipzig dhe Sevilla gjithashtu munguan për shkak të renditjes katër vjeçare të koeficientit të klubeve të UEFA-s dhe kufizimeve me dy ekipe.
Ku do luhen ndeshjet e Kupës së Botës për Klube?
63 ndeshjet do të luhen në 12 stadiume në 11 qytete. Ndeshja hapëse, Al Ahly kundër Inter Miami, do të luhet në stadiumin ‘Hard Rock’ në Miami, i cili ka një kapacitet prej 65,000 spektatorësh.
Stadiumi ‘MetLife’, i cili shërben si shtëpia e New York Giants dhe New York Jets të Ligës Kombëtare të Futbollit (NFL), do të presë si gjysmëfinalet ashtu edhe finalen. ‘MetLife’ është një stadium me 82,500 vende dhe u zgjodh gjithashtu si vendi i finales së Kupës së Botës 2026.
‘Rose Bowl’ i Pasadenës (Kaliforni), i njohur më mirë si një stadium për ndeshjet e futbollit amerikan në kolegje, është stadiumi më i madh me një kapacitet prej 88,500 vendesh.
Nuk është i panjohur me organizimin e ngjarjeve të mëdha. ‘Rose Bowl’ ishte vendi ku u zhvillua ndeshjen për medaljen e artë të futbollit në Lojërat e Los Anxhelosit në vitin 1984, si dhe finalen e Kupës së Botës për meshkuj një dekadë më vonë. Do të jetë gjithashtu një vend për Lojërat Olimpike Los Anxhelos 2028.
Ja lista e plotë e stadiumeve:
Stadiumi MetLife (East Rutherford, New Jersey)
Stadiumi Hard Rock (Miami, Florida)
Stadiumi Mercedes-Benz (Atlanta, Georgia)
Lumen Field (Seattle, Washington)
Stadiumi Bank of America (Charlotte, Karolina e Veriut)
Stadiumi TQL (Cincinnati, Ohio)
Stadiumi Rose Bowl (Los Angeles, Kaliforni)
Parku GEODIS (Nashville, Tennessee)
Stadiumi Camping World (Orlando, Florida)
Stadiumi Inter&Co (Orlando, Florida)
Fusha Lincoln (Filadelfia, Pensilvani)
Audi Field (Uashington, DC)
Kur është Kupa Botërore e Klubeve FIFA?
Gara do të fillojë më 14 qershor (koha në SHBA), me finalen e planifikuar për më 13 korrik.
Një përmbledhje e orarit:
Faza e grupeve: 14 deri më 26 qershor
Raundi i 1/8: 28 qershor deri më 1 korrik
Çerekfinalet: 4 dhe 5 korrik
Gjysmëfinalet: 8 dhe 9 korrik
Finalja: 13 korrik
Ndeshjet e ditës së parë (ora shqiptare):
E diel, 15 qershor 2025
02:00 (mëngjes) Al Ahly – Inter Miami
18:00 Bayern Munich – Auckland City
21:00 PSG – Atletico Madrid
