Kyle Walker është rikthyer në Angli pas gjashtë muajsh të kaluar në huazim te Milan, por kthimi në shtëpi nuk ka qenë siç e kishte imagjinuar. Pep Guardiola e ka lënë jashtë skuadrës te Manchester City dhe ka vendosur të mos e grumbullojë për Botërorin për Klube, një përjashtim shumë i rëndë që e rikthen në merkato. M
brojtësi i djathtë do të duhet patjetër të gjejë një klub të ri ku të luajë sezonin e ardhshëm: rreziku është që të mbetet i ngujuar në pankinë për shkak të procesit të rinovimit të ekipit që klubi ka nisur, duke investuar shumë në prurjet e reja.
Ish-kuqezinjtë nuk janë vetëm në këtë zhgënjim profesional, pasi përfshihet edhe Jack Grealish. Ish-talenti i Aston Villa, një nga blerjet më të shtrenjta të epokës Guardiola, është lënë jashtë rotacioneve që në ndeshjet e fundit të sezonit të kaluar një sinjal i qartë i përjashtimit, që ka ardhur në sezonin më të keq në vitet e fundit të City.
Së bashku me shokun e skuadrës, Walker bën pjesë në lojtarët që pritet të largohen dhe as ai nuk ka hipur në avionin drejt Shteteve të Bashkuara.
Duke u kthyer dy vite më parë, duket e paimagjinueshme që pikërisht këta dy lojtarë kanë përfunduar në periferi të projektit të Manchester City. Anglezët kanë qenë protagonistë absolutë të sezoneve të fundit në Premier League dhe figura kyçe në fitoren e parë në histori të klubit në Champions League.
Brenda vetëm një sezoni – më të keqin për spanjollin Guardiola në Angli – ata kanë rënë jashtë rotacioneve, duke marrë një përjashtim të rëndë nga trajneri: Walker kërkoi fatin te Milan, por nuk u ble përfundimisht; Grealish u kënaq me pankinën për muaj të tërë.
or nga sezoni i ardhshëm nuk do të jenë më pjesë e skuadrës, sepse klubi ka në mendje një plan të qartë për të zëvendësuar një e nga një të gjithë lojtarët e vjetër dhe për t’i zëvendësuar me afrime të reja, më të rinj në moshë dhe në gjendje të ndryshojnë rrjedhën pas një sezoni praktikisht për t’u harruar.
E megjithatë, Grealish dhe Walker ishin dy lojtarë të kërkuar me ngulm nga spanjolli dhe të paguar me shifra të rëndësishme: do të duhet të gjejnë skuadra të reja ku të luajnë në kampionatin e ardhshëm, vende ku të rilindin pas një viti të vështirë për të gjithë.
