UEFA ka vendosur të vërë në zbatim në të gjithë turnetë e saj ndërkombëtarë rregullin e ri që është menduar për të shmangur vonesat e lojës. Bëhet fjalë për vonesat nga portierët.
Më përpara ekzistonte një rregull që rrallëherë zbatohej për vonesën e 8 sekondave me topin në duar nga portierët, që ndëshkohej me një goditje dënimi indirekte në favor të kundërshtarëve në zonën e rreptësisë.
UEFA mbrëmë ka caktuar se rregulli do të ndryshojë që nga Europiani U21 që zhvillohet në Sllovaki, duke aplikuar idenë e miratuar nga IFAB dhe testuar më parë në turne të tjerë, ku në rast të kësaj shkelje, do të akordohet një goditje këndi në favor të ekipit kundërshtar.
Njëkohësisht, gjyqtarëve u është kujtuar të jenë më të vëmendshëm ndaj zbatimit të këtij rregulli, në mënyrë që të shmangin vonesat e kota të lojës nga portierët.
Rregulli në fjalë do të zbatohet në të gjithë aktivitetet ndërkombëtare të organizuara nga UEFA, që do të thotë se edhe klubet shqiptare që marrin pjesë në kompeticionet e saj, duhet të jenë të ndërgjegjshëm për këtë ndryshim dhe të përgatiten për eventualitetin në fjalë.
