Një qytetar ka denoncuar anulimin e fluturimit nga kompania Air Albania 10 minuta para nisjes.
Qytetari shkruan për JOQ se në aeroportin e Malpensës, kompania Air Albania ka anuluar fluturimin drejt Tiranës pak para nisjes, teksa shton se pasagjerët, përfshirë gra, fëmijë të vegjël dhe të moshuar, janë lënë pa asnjë zgjidhje konkrete, me arsyetimin e zakonshëm të një “defekti teknik”.
Denoncuesi shton se sikur të mos mjaftonte kjo papërgjegjshmëri, Air Albania ka kërkuar që udhëtarët të zhvendosen drejt aeroportit të Veronës për një tjetër fluturim që pritet të niset në orën 2 të mëngjesit, fluturim që, sipas zërave të brendshëm të siguruara nga denoncuesi, rrezikon gjithashtu të anulohet.
“Kompania air albania ka anulluar fluturimin 10 ninuta para nisjes nga Malpensa ne tirane i kan len njerzit rrugeve. Gjasme difekte teknike. Dua tna cojn ne verona. Te nisemi naten. Jemi me femij te vegjel. Verona niset ne 2 te nates. Dhe flitet qe dhe ai po anullohet”, thuhet në një denoncim të mbërritur në redaksi.
Mungesa e informacionit dhe papërgjegjshmëria e Air Albania po e kthen udhëtimin në një torturë për dhjetëra pasagjerë që kishin planifikuar të ishin në atdhe sot.
“Pershendetje si jeni? Ne Malpensa kena ni problem Qe perseritet shpesh me pasagjert Qe i bajn me ardh dy ora para duke lan punen e te gjitha per me arrit ne kohe per te na chekini e kur arrim ne aeroport na thojn se ka prish motorr avjoni,nje person Qe nuk identificohet vec me pseudonim. Tani do munohem te dergoj edhe vidieon sesi trajtohena nga shqiptare tone ne Malpensa. Po patet munsi se Po na bajn me harxhu kohen e lekt kot se kta ne moment te funit del se prishet motori e neser na kan shty bileten. Ishalla neser nuk plas gomen avjoni ,se kshu ka met me u lut ishalla na ru zoti avjonin”, thuhet në një tjetër denoncim për JOQ Albania.
