Shqipëria U-21 ka fituar ndeshjen miqësore ndaj Hungarisë me rezultatin 1-2.
Talenti i Vllaznisë, Kevin Dodaj, ka qenë protagonist për skuadrën e Alban Bushit duke shënuar një gol te veçantë për t’u dhënë avantazhin kuqezinjve.
Dodaj e nisi ndeshjen nga stoli, për t’u aktivizuar në pjesën e dytë të sfidës në vend të Tomës në radhët e skuadrës së drejtuar nga Alban Bushi, pas një fraksioni të parë të lojës të mbyllur pa gola.
Sulmuesit shkodran iu deshën vetëm pak sekonda në fushë për të gjetur rrjetën, pasi pa mbaruar minuta e parë e pjesës së dytë, u nis në një kundërsulm të cilin e finalizoi në mënyrë perfekte duke i dhënë avantazhin kuqezinjve.
Vendasit barazuan shifrat me anë të Tamas Szucs në minutën e 75-të, por përgjija e kuqezinjve të vegjël ishte e shpejtë pasi vetëm 1 minutë më pas, mesfushori Enes Osmani realizoi golin e fitores.
Pas këtij rezultati pozitiv, Shpresat do të kenë një takim tjetër miqësor këtë herë përballë Turqisë në Stamboll më 8 qershor.
