Një person ka humbur jetën në mënyrë tragjike pasditen e kësaj të mërkure në fshatin Qinam të Ersekës.
Nga informacionet paraprake mësohet se ai është goditur nga rrufeja dhe për pasojë ka ndërruar jetë në vend. Burime zyrtare bëjnë me dije se viktima është shtetasi me iniciale A.A., rreth 66 vjeç.
Mësohet se 66-vjeçari ka qenë duke punuar në tokën e tij në momentin kur është goditur nga shkarkesa elektrike, teksa bashkë me të kanë qenë edhe persona të tjerë të cilët kanë parë të gjithë ngjarjen.
Policia thotë se po punon për sqarimin e rrethanave të rastit.
Njoftimi:
Rreth orës 18:30, në fshatin Qinam, Ersekë, dyshohet se si pasojë e goditjes nga rrufeja, ka ndërruar jetë shtetasi A. A., 66 vjeç, i cili ishte duke punuar në tokën në pronësi të tij.
Grupi hetimor ndodhet në vendngjarje dhe po punon për sqarimin e rrethanave të rastit.
