Albano Aleksi do të vazhdojë të jetë pjesë e Egnatias. Sot klubi, nëpërmjet një njoftimi në rrjetet sociale, ka bërë me dije se mesfushori ka firmosur një akord të ri.
Për momentin nuk dihen detajet ekonomike të akordit të ri, por Egnatia ka bërë me dije se kontrata e re e mban Aleksin në Rrogozhinë për tri vitet e ardhshme.
Njoftimi i Egnatias:
“Albano Aleksi qëndron tek kampionët! Kemi kënaqësinë t’ju njoftojmë se kontrata me mesfushorin është rinovuar për 3 vjet të tjera. Suksese!”, shkruhet nga klubi kampion.
32-vjeçari ishte në dyshim për të ardhmen, por Egnatia edhe njëherë tregon se nuk i lëshon titullarët. Në të njëjtën pozitë ndodhen edhe Zejnullai e Ndreca. Këto lojtarë kanë qenë pjesë e rëndësishme e rrogozhinasve, që kanë fituar dy tituj kampion radhazi.
