Arsen Lleshi ka lënë pas dëmtimin dhe është kthyer në stërvitje tek Elbasani. Lleshi pati nevojë për ndërhyrje pas dëmtimit që pësoi ndaj Dinamos në kampionat.
Dhe pse minutat nuk i kishte të shumta para emërimit të Gvozdenoviç, deri në javën e 21-të ishte në kuotën e shtatë golave. Lleshi qëndroi në krye të golashënuesve të Elbasanit deri në fundin e sezonit.
Klubi verdheblu i ka kushtuar një video sulmuesit 25-vjeçar. “Shikoni kush po i kthehet fushave”, shkruajnë verdheblutë.
Lleshi u afrua tek Elbasani në verën e vitit 2022, pasi kishte luajtur në Zvicër. Për të ishte kthim në vendlindje.
View this post on Instagram
