Ish-parku i automjeteve në Lushnjë është përfshirë nga një zjarr masiv rreth orës 03:45 të mëngjesit të sotëm.
Si pasojë e flakëve janë djegur katër autobusë të parkuar, tre prej të cilëve janë shkrumbuar totalisht, ndërsa një është djegur pjesërisht. Pas incidentit, janë njoftuar drejtuesit e automjeteve të tjera, të cilët i kanë larguar, duke shmangur djegien e tyre.
Pavarësisht se zjarrfikësit kanë mundur të neutralizojnë flakët, dëmet materiale kanë qenë të konsiderueshme. Ende nuk dihet nëse zjarri ishte i qëllimshëm apo jo.
“Në orët e para të mëngjesit të sotëm, në lagjen “Gafurr Muço” Lushnjë, në vendin e quajtur “ish-parku i autobusave”, dyshohet se në një autobus të parkuar ka rënë zjarr aksidentalisht e për pasojë janë përfshirë nga flakët edhe tre autobus të tjerë, në pronësi të shtetasve Verion Zoga, Bektash Muça dhe Gëzim Berisha. Grupi hetimor ndodhet në vendngjarje dhe po punon për sqarimin e plotë të rrethanave të rastit.” – njofton Policia.
