Ipeshkvi i Dioqezës së Rrëshenit, Imzot Gjergj Meta përmes një postimi në llogarinë e tij në “Facebook” ka bërë me dije se është takuar sot me Atin e Shenjtë, Papa Leonin XIV. Imzot Gjergji u takua me Papën në Udiencën e Përgjithshme të së mërkurës.
Në postim gjithashtu ai ka ndarë pamje nga takimi i tyre. Më tej bëhet me dije se Imzot Gjergji i tregoi Papës se të dielën e kaluar, së bashku me shqiptarët katolikë të Italisë, janë lutur për të në Shenjtëroren e Zojës së Këshillit të Mirë, në Genazzano. Ai e ftoi Papën që të vizitojë edhe vendin tonë.
“Sot, më 28 maj 2025, ipeshkvi i Dioqezës sonë të Rrëshenit, imzot Gjergj Meta, përshëndeti Atin e Shenjtë, Papa Leonin XIV, në Udiencën e Përgjithshme të së mërkurës. Imzot Gjergji i tregoi atij se të dielën e kaluar, së bashku me shqiptarët katolikë të Italisë, janë lutur për të në Shenjtëroren e Zojës së Këshillit të Mirë, në Genazzano. Gjithashtu, në emër të ipeshkvijve dhe të Kishës Katolike në Shqipëri, e uroi Atin e Shenjtë për zgjedhjen e tij si Pasardhës i Pjetrit dhe e ftoi atë që të vijë në vendin tonë. Qoftë lëvduar Jezu Krishti!” shkruhet në postimin e ndarë në “Facebook”.
