Walid Jarmouni është shfaqur së fundmi me fanellën e Hajduk Split. 25-vjeçari ishte golashënuesi kryesor i Tiranës, ndërsa mësohet se klubi kroat ka shfaqur interes për shërbimet e tij.
Francezi shënoi 13 gola në kampionat ku dhe asistoi dy të tjerë. Vlera në “transfermarkt” e Jarmounit është 350 mijë euro, shifër kjo është më e larta në skuadrën e kryeqytetasve.
Do të ishte një shitje nga Tirana te Hajduk Split, nëse ka akord mes palëve. Më parë ka spikatur me golat e tij te Progres Niederkorn në Luksemburg.
Karriera e tij ndërkohë ka filluar në Francë ku luajti për rreth 5 vite.
