Ai shprehet se mendon që Donald Trump po i kupton gënjeshtrat e Vladimir Putinit në lidhje me Ukrainën, duke shtuar se shpreson që zemërimi i presidentit amerikan ndaj Putinit të përkthehet në veprime.
“Presidenti Trump e kupton se kur Presidenti Putin tha në telefon se ishte gati për paqe, ose u tha të dërguarve të tij se ishte gati për paqe, ai gënjeu. E kemi parë edhe një herë në orët e fundit Donald Trumpin të shprehë zemërimin e tij. Një formë padurimi. Tani thjesht shpresoj që kjo të përkthehet në veprime”, tha Macron.
Presidenti francez e bëri këtë deklaratë pas një postimi të Trump në rrjetet sociale, në të cilin Presidenti amerikan vlerësoi se Vladimir Putin është “çmendur plotësisht”, duke reaguar për sulmet masive ajrore ruse kundër Ukrainës gjatë fundjavës.
