Tottenham është fituesi i trofeut të Europa League për sezonin 2024-25. Spurs mposhtën në finalen angleze të ‘San Mames’ rivalët e Manchester United 1-0, duke fituar kështu pas 17 vitesh një trofe.
Në stadiumin e Bilbaos dhe me 53 mijë tifozë në shkallët e impiantit, vendosi goli i Brennan Johnson në minutën e 42-të të ndeshjes.
Një aksion i shpejtë dhe pasimi final i Sarr bëri që futbollisti i Tottenham të mposhtet Onanën në portë.
Megjithëse United pati gjithë pjesën e dytë në dispozicion, skuadra e Ruben Amorim thjesht dëshmoi sezonin e dështuar.
Kështu, së bashku me trofeun e Europa League, Tottenham merr të drejtën që nga sezoni i ri të jetë pjesë e Champions League duke shpëtuar një sezon që në kampionat mund të quhet më shumë se një dështim (vendi i 17-të).
