Presidentja e Kosovës, Vjosa Osmani, është kërcënuar me jetë përmes një e-maili të dërguar në adresën zyrtare të Presidencës.
Lajmin e ka konfirmuar për mediat kosovare këshilltari për media i Presidencës, Bekim Kupina, i cili bëri të ditur se kërcënimi është marrë me seriozitet dhe është dërguar tek autoritetet përkatëse për t’u hetuar.
“Kërcënimi është dërguar në emailin zyrtar të Presidencës”, deklaroi Kupina.
Institucionet e sigurisë kanë nisur hetimet për të identifikuar autorin apo autorët e këtij kërcënimi. Deri tani nuk ka informacione shtesë mbi burimin e emailit kërcënues.
