Kombëtarja shqiptare U-17 e ka nisur me humbje Kampionatin Europian të moshave duke u mposhtur nga Portugalia.
Ekipi luzitan arriti të mposhtë kuqezinjtë në “Arenën Kombëtare” me rezultatin e thellë 0-4.
Në pjesën e parë të takimit, Portugalia U-17 kaloi në epërsi falë golit të realizuar nga Rafael Quintas. Në pjesën e dytë ekipi i drejtuar nga Andrea Tedesco u shpërbë totalisht duke pësuar edhe 3 gola të tjerë.
Golin e dytë për miqtë e realizoi Mateus Mide nga pika e bardhë e penalltisë në minutën e 68-të.
Goli i tretë i takimit u realizua nga Anisio Cabral në minutën e 82-të, ndërsa në shtesë, Soares, realizoi edhe të katërtin duke vulosur humbjen e kuqezinjve.
Shqipëria U-17 do të luajë edhe dy ndeshjet ndaj Gjermanisë dhe Francës.
