Edicioni i katërt i “Big Brother VIP Albania” përfundoi, por la pas kuriozitetin për një histori dashurie të krijuar brenda shtëpisë, ajo mes Eglit dhe Gjestit.
Ky i fundit zgjodhi të tregonte për emisionin “Goca dhe Gra” diçka lidhur me raportin që dyshja mbajnë, pas përfundimit të eksperiencës në “BBVA”:
“Më mungon (koha me Eglin). Por, tani jashtë, ne e kemi një lloj marrëdhënieje, që edhe ajo me punë të veta është, unë me punët e mia, të dy të zënë. Ndonjëherë ndahemi, ndonjëherë pajtohemi, i kemi punët tona, por e kuptoj për shkak të ngarkesës.”, tha ai.
Kjo përgjigje lë të kuptohet se dyshja, deri diku, kanë të njëjtën marrëdhënie si në shtëpi.
Gjërat dukeshin mirë deri në momentin kur Gjestit iu kërkua t’i dedikonte një këngë Eglit. Ai zgjodhi pikërisht këngën e Ermal Fejzullahut “E shkuar e harruar”, që në thelb i këndon një dashurie të shkuar.
“I kënaqur jam për ditën kur të kam njohur”, këndoi ai.
