Tirana ka vendosur që të zhvillojë një tjetër miqësore. Pas fitores me Kukësin, bardheblutë kanë zgjedhur ndeshjen e radhës, po në Kategorinë e Parë.
Kundërshtari është më i fortë dhe bëhet fjalë për Apoloninë. Plani është që takimi të luhet të enjten e ardhshme, por ende nuk ka një vendim të qartë.
Për shkak se sezoni i Superiores u mbyll herët, bardheblutë do të stërviten deri në fund të muajit dhe më pas do të marrin pushimet. Tirana e sezonit 2025-2026 do të marrë jetë nga 1 qershori e në vazhdim.
Deri më 23 gusht 2025, bardheblutë do të jenë në përgatitjet për sezonin e ri, teksa në verë nuk do të marrin pjesë në Europë.
Ndërkohë pas sezonit tepër të dobët, te Tirana priten të merren vendime të rëndësishme. Presidenti i bardhebluve, Refik Halili nuk ka vendosur se çfarë do të bëjë me trajnerin, lojtarët dhe ata që do të shiten në merkato.
