Ilir Daja vetëm arriti të fitojë Kupën e Shqipërisë, duke rikthyer Dinamon te trofeu pas disa vitesh. Ky sezon konsiderohet mjaft pozitiv për dinamovitët, të cilët ia dolën të fitonin një trofe dhe pas 15 vitesh sigurojnë edhe kualiifkimin në Europë.
Një kompeticion që sigurisht do të sjellë edhe shumë të ardhura në arkat e “Bluve”. Ekipi i Ilir Dajës do të debutojë në raundin e parë të Conference League, ndonëse iu mungon eksperienca do të tentojnë të shkojnë sa më larg.
Kjo pasi kanë në krye të tyre një trajner i cili vitet e fundit me skuadrën e Ballkanit ka arritur të prekë edhe fazën e grupeve në Europë dhe e njeh mjaft mirë këtë kompeticion.
Gjithashtu për të mbajtur këtë ekip, Daja mësohet se u ka bërë “veton” 2 prej futbollistëve kryesorë të skuadrë. Baton Zabërgja dhe Itodo Mandela pavarësisht interesimeve dhe ofertave nga skuadra të tjera do të qëndrojnë te Dinamo minimalisht deri në fund të aventurës së “Bluve” në Europë.
