Ndeshjet e sotme të play-off për ngjitjen në elitën e futbollit turk, kanë parë protagonistë futbollistët shqiptarë të ekipit të Boluspor, i cili është kualifikuar në duelin direkt përballë Istanbulspor.
Skuadra e tyre luante sfidën në transfertë dhe u gjend në disavantazh në pjesën e dytë të ndeshjes, ku Florent Hasani ishte titullar dhe Dean Liço e nisi nga stoli. Pas barazimit të skuadrës së Boluspor, erdhi edhe momenti ku dy shqiptarët vendosën fatin e ndeshjes.
Në minutën e 70, pas një goditje nga këndi, ishte Liço ai i cili vendosi në provë portierin me një devijim me kokë duke e detyruar të largonte topin nga vija fatale. Por topin shkoi te Hasani i cili goditi me roveshatë dhe shënoi golin e përmbysjes 2-1 për skuadrën e tij.
Rezultati nuk ndryshoi deri në fundin e takimit e kësisoj, Boluspor kaloi ne turin tjetër, ku e pret ndeshja me Bandimarspor. Kjo e fundit fitoi sot me shifrat 2-0 ndeshjen play-off ndaj Erzurumspor, duke nxjerrë nga gara për elitën skuadrën ku bën pjesë Odise Roshi.
