Presidenti amerikan Donald Trump ka mbërritur në pallatin Amiri Diwan, ku është pritur nga Emiri i Katarit, Sheikh Tamim bin Hamad al-Thani. Trump është pritur me një ceremoni madhështore.
Kjo është ndalesa e dytë e Trump në Lindjen e Mesme.
Gjatë ndalesës së parë, në Arabinë Saudite, ai nënshkroi një marrëveshje të madhe armësh për t’i shitur armë mbretërisë, si edhe kontrata tregtare me vlerë miliarda dollarë.
Ai njoftoi gjithashtu se do të heqë sanksionet ekonomike ndaj Sirisë dhe u takua shkurtimisht me presidentin e ri sirian për herë të parë këtë mëngjes.
Ndërsa udhëheqësi i Katarit e ka cilësuar Trump si “njeri i paqes”, referuar edhe qëndrime të tij për t’i dhënë fund luftës.
“E di që doni të sillni paqen në rajon”, ka thënë mes të tjerash, Emiri i Katarit, Sheikh Tamim bin Hamad al Thani.
