Samuel Opeh zyrtarisht nuk është më një lojtar i Laçit. Mbrojtësi nigerian ka njoftuar largimin përmes një njoftimi në rrjetet sociale, që është shpërndarë nga Laçit.
Pas rënies së klubit kurbinas nga kategoria, Opeh bëhet lojtari i tretë që largohet pas William Cordeiro Melo dhe Kristian Da Lima-s.
“Sot i them mirupafshim Laçit ku mësova shumë. Çfarë më bëri gjithmonë të qëndroja ishte besimi në zot dhe besimi që pavarësisht vështirësive, çdo gjë është e mundur.
Kjo periudhë e fundit nuk ka qenë e lehtë, u përballëm me sfida që testuan karakterin tonë dhe forcën, por pavarësisht çdo rrethane kam mbajtur të njëjtin mentalitet: të besoj, punoj dhe të nderoj çfarë bëj deri në fund.
Tifozëve dua t’i them faleminderim. Ishte pjesë esenciale e këtij udhëtimi, që na mbështetët në të mirë dhe në të keq. Çdo herë që shkela në fushë, ndjeva forcën e tifozëve, që nuk na braktisën asnjëherë.
Falenderues ndaj Zotit, klubit dhe çdokujt që u përfshi në këtë periudhë, drejtuesit, presidencës, falenderimet e mia. Shkoj me një zemër të qetë dhe i uroj klubit gjithë të mirat. Lavdi Zotit për të gjitha”, shkruan Opeh në rrjetet sociale.
