Një ngjarje e rëndë raportohet se ka ndodhur në Gramsh pasi është shembur kanali i një hidrocentrali në fshatin Poroçan.
Masivi i dheut i shembur nga kanali ka zënë poshtë dy punëtorë.
Raportohet se është gjetur trupi i pajetë i njërit punëtor, ndërkohë vijon puna për të gjetur trupin tjetër.
Shërbimet e emergjencës dhe zjarrfikësit ndodhen në vendngjarje.
Rrethanat e ngjarjes janë ende të paqarta, ndërsa autoritetet kanë nisur hetimet për të zbardhur shkaqet e aksidentit dhe për të verifikuar nëse janë respektuar standardet e sigurisë në kantierin e punimeve.
