Legjenda holandeze, Marco van Basten, mendon se ylli ri i Barcelona-s, Lamine Yamal, nuk po shfrytëzohet si duhet.
Duke folur humbjen e katalanasve në gjysmëfinalen e Champions League ndaj Inter-it, Van Basten mendon se Yamal mund të ishte më efektiv duke luajtur në qendër.
Ai tha në televizionin holandez: “Është për të ardhur keq që ai luan në të djathtë sepse nuk e merr topin mjaftueshëm.
“Është e vërtetë që ai është një kërcënim i vazhdueshëm, por nëse do të luante në qendër, ai do të kishte një ndikim shumë më të madh në lojë dhe mund të ishte më i rëndësishëm për ekipin.
“Mendoj se ky do të jetë hapi i tij i radhës. Ai mund të krosojë dhe të shënojë më shpesh nga ai pozicion”.
