Kandidati në listën e sigurt të Partisë Demokratike, Bledion Nallbati, dhe vëllai i tij, Alti Nallbati, janë përfshirë në një konflikt me një shofer kamioni
Nga pamjet e publikuara duket që deputeti Bledion Nallbati godet me grusht shoferin, ndërsa edhe vëllai i tij përfshihet në konflikt duke dashur ta nxjerrë nga kamioni.
Ngjarja dyshohet se ka ndodhur për motive të dobëta dhe bwhet e ditur se në deklarimet e dhëna pas ngjarjes, dy vëllezërit kanë pohuar se shoferi i kamionit po udhëtonte me shpejtësi dhe ka rrezikuar t’i godiste nga pas.
Pas përplasjes verbale, të tre personat u shoqëruan në ambientet e komisariatit të Devollit, ku dhanë sqarimet përkatëse lidhur me ngjarjen. Pas përfundimit të procedurave standarde, të tre shtetasit janë lënë të lirë.
Ndërkohë, mësohet se shoferi i kamionit ishte në tranzit nga pika kufitare e Kapshticës, duke kaluar përmes Devollit.
