Pogradeci mposhti Besën(0-1) në “Elbasan Arena” dhe do të luajë finalen e madhe me Tiranën. Të dyja skuadrat do të kërkojnë fitoren, për të qenë pjesë e Superiores në edicionin e ardhshëm.
Trajneri Ardian Mema ka bërë mjaft mirë me Pogradecin dhe prova e fundit do të jetë ndaj ekipit të zemrës të tij, Tiranës.
Pas fitores në derbin me Partizanin, Mema bëri thirrje për bardheblutë që të jenë të gjithë të bashkuar në ndeshjet e mbetura dhe që shpresonte që ekipi të ia dalë për të siguruar mbijetesën.
Ironia e fatit bën që të përballen bashkë në duelin e fundit që do të kenë për këtë sezon.
Mesazhi i Ardian Memës në postimin e Tiranës:
“Urime Tironës, ky është momenti për tu bo të gjith bashkë, jo vetëm kritika në kte moment të mbështesni ekipin për të ruajtur këtë performancë dhe me shpres të Zotit ti kalojnë me suksese dhe këto ndeshje që kanë ngelur. Forca Tirona”, shkruante trajneri i Pogradecit.
